BURNO U CRNOJ GORI: Šešelj i Marić odgovarat će na sudu zbog uvreda na račun cetinjskih majki i žena…

Dodaje da ohrabruju Agenciju za elektronske medije da nastavi monitoring i utvrdi slične programske odluke i za druge televizije koje dolaze iz Srbije, a koje imaju sličan karakter…

 

 

SDP Crne Gore podržava odluku Agencije za elektronske medije da se ukine dozvola za emitovanje niza emisija televizije Happy, kazao je za Antenu M portparol te partije Mirko Stanić.

 

 

Podsjeća da su oni još u septembru tražili od AEM-a da donesu sličnu odluku zbog konstantne huškačke i mrziteljske kampanje koja dolazi sa te televizije.

 

 

“Bez obzira na to koja je televizija u pitanju, smatramo da je emisija tog sadržaja bilo nekoliko desetina, ako ne i stotina u proteklih par godina i treba da reaguju u svim tim slučajevima kao što su reagovali u ovom”, kazao je on u izjavi za Antenu M.

 

 

 

 

Dodaje da ohrabruju Agenciju za elektronske medije da nastavi monitoring i utvrdi slične programske odluke i za druge televizije koje dolaze iz Srbije, a koje imaju sličan karakter. “A usmjerene su i na omalovažavanje Crnogoraca kao naroda, i drugih manje brojnih naroda, vjerskih velikodostojnika, omalovažavanja žena i čitav niz jednog ponašanja koje je duboko uvredljivo prema skoro svim građanima Crne Gore, prema narodima… Upravo poslije zadnjeg niza uvreda koje su iznešene u toj emisiji od presuđenog ratnog zločinca Vojislava Šešelja, ali i voditelja i urednika emisije Milomira Marića, cetinjski odbor SDP-a je najavio podnošenje tužbe protiv njih dvojice i naravno da ova odluka ne mijenja ništa”, kazao je Stanić.Oni će, kako je dodao, tužiti Šešelja i Marića.

 

 

“Zbog gnusnih uvreda izrečenih na račun grada koji je prepoznat kao jedan od centara antifašističke borbe u Drugom svjetskom ratu koji je dao nekoliko hiljada boraca i 49 narodnih heroja. Način na koji su se oni odnosili prema našem gradu, prije svega našim majkama i ženama je duboko uvredljiv i smatramo da treba dobiti odgovarajući epilog i u sudskom postupku”, kazao je Stanić.

 

 

Skandalozno: Šešelj vrijeđa Cetinjane i Cetinjanke

(SB)

BURNO U CRNOJ GORI: Šešelj i Marić odgovarat će na sudu zbog uvreda na račun cetinjskih majki i žena…

| Slider, Vijesti |
About The Author
-